ಕೇರಳ ಸಮರ್ ಬಂಪರ್ ಲಾಟರಿ: ಮೊದಲ ಬಹುಮಾನ ₹10 ಕೋಟಿ

ಕೇರಳ ರಾಜ್ಯ ಲಾಟರಿ ಇಲಾಖೆಯ ಸಮ್ಮರ್ ಬಂಪರ್ ಲಾಟರಿ ಟಿಕೆಟ್‌ಗಳು ಬಿಡುಗಡೆಗೊಂಡಿವೆ. ಮೊದಲ ಬಹುಮಾನವಾಗಿ ₹10 ಕೋಟಿ ಹಾಗೂ ಎರಡನೇ ಬಹುಮಾನವಾಗಿ ₹1 ಕೋಟಿ ಘೋಷಿಸಲಾಗಿದೆ. ಕ್ರಿಸ್‌ಮಸ್–ಹೊಸವರ್ಷ ಬಂಪರ್ ಲಾಟರಿ ಡ್ರಾ ನಂತರ ಈ ಟಿಕೆಟ್‌ಗಳನ್ನು ಬಿಡುಗಡೆ ಮಾಡಲಾಗಿದೆ.

ಮೊದಲ ಬಹುಮಾನ ₹10 ಕೋಟಿ ಆಗಿದ್ದು, ಜೊತೆಗೆ ₹1 ಲಕ್ಷ ಮೊತ್ತದ ಐದು ಸಮಾಧಾನ ಬಹುಮಾನಗಳೂ ಇವೆ. ಎರಡನೇ ಬಹುಮಾನವಾಗಿ ಒಬ್ಬರಿಗೆ ₹1 ಕೋಟಿ ಲಭ್ಯವಾಗುತ್ತದೆ. ಮೂರನೇ ಬಹುಮಾನವಾಗಿ ಪ್ರತಿ ಸರಣಿಯಲ್ಲಿ ಇಬ್ಬರಿಗೆ ತಲಾ ₹5 ಲಕ್ಷ, ಒಟ್ಟು 12 ಮಂದಿಗೆ ನೀಡಲಾಗುತ್ತದೆ. ನಾಲ್ಕನೇ ಬಹುಮಾನವಾಗಿ 54 ಮಂದಿಗೆ ತಲಾ ₹1 ಲಕ್ಷ ದೊರೆಯಲಿದೆ. ಜೊತೆಗೆ ₹5,000, ₹2,000, ₹1,000, ₹500 ಮತ್ತು ₹250 ಮೊತ್ತದ ಬಹುಮಾನಗಳನ್ನು ಸೇರಿಸಿ ಒಟ್ಟು 1,81,513 ಬಹುಮಾನಗಳಿವೆ.

BR 108 ಸಮ್ಮರ್ ಬಂಪರ್ ಟಿಕೆಟ್‌ಗಳು SA, SB, SC, SD, SE ಮತ್ತು SG ಎಂಬ ಆರು ಸರಣಿಗಳಲ್ಲಿ ಲಭ್ಯವಿವೆ. ಟಿಕೆಟ್ ಬೆಲೆ ₹250. ಡ್ರಾ 2026 ಮಾರ್ಚ್ 28 ಶನಿವಾರ ಮಧ್ಯಾಹ್ನ 2 ಗಂಟೆಗೆ ನಡೆಯಲಿದೆ.