கிறிஸ்துமஸ் பம்பர் பின்பு சம்மர் பம்பர் லாட்டரி அறிமுகம்

கேரள மாநில லாட்டரி துறையின் சம்மர் பம்பர் லாட்டரி டிக்கெட்டுகள் வெளியிடப்பட்டுள்ளன. இதில் முதல் பரிசாக ₹10 கோடியும், இரண்டாம் பரிசாக ₹1 கோடியும் வழங்கப்படுகிறது. கிறிஸ்துமஸ்–புத்தாண்டு பம்பர் லாட்டரி குலுக்கலுக்குப் பிறகே இந்த டிக்கெட்டுகள் வெளியிடப்பட்டுள்ளன.

முதல் பரிசு ₹10 கோடி. மேலும் ₹1 லட்சம் மதிப்புள்ள ஐந்து ஆறுதல் பரிசுகளும் வழங்கப்படும். இரண்டாம் பரிசாக ஒருவருக்கு ₹1 கோடி கிடைக்கும். மூன்றாம் பரிசாக ஒவ்வொரு தொடரிலும் இரண்டு பேருக்கு தலா ₹5 லட்சமும், நான்காம் பரிசாக 54 பேருக்கு தலா ₹1 லட்சமும் வழங்கப்படும். கூடுதலாக ₹5,000, ₹2,000, ₹1,000, ₹500 மற்றும் ₹250 மதிப்புள்ள பரிசுகள் சேர்த்து மொத்தம் 1,81,513 பரிசுகள் வழங்கப்படுகின்றன.

BR 108 சம்மர் பம்பர் டிக்கெட்டுகள் SA, SB, SC, SD, SE, SG ஆகிய ஆறு தொடர்களில் கிடைக்கின்றன. டிக்கெட்டின் விலை ₹250. குலுக்கல் 2026 மார்ச் 28 சனிக்கிழமை பிற்பகல் 2 மணிக்கு நடைபெறும்.